NB!!! NY BLOGG!!! NY BLOGG!!!

Eg har fått meg ny blogg, så no folkens, er det berre å setje i gang med å redigere linkane dykkar. Takk for merksemda, det var kjekt med denne bloggen så lenge det varte:)



Trykk på overskrifta eller gå inn på



http://astrrid.blogspot.com

Benkpress!

Eg er dødssterk, eg er det! Eller kanskje ikkje. Uansett, i går var det test i benkpress i gymmen. Eigentleg skulle vi ha trent ganske mykje til denne testen. Eg har tatt benkprett to gonger: på styrketesten i fjor, og på styrketesten i år. Difor var det sikkert eit ganske artig syn for dei som såg meg ta benkpress, for stanga som eigentleg skal vere vassrett, hella litt mot loddrett. Uansett, testen gjekk betre enn forventa, den gjekk ikkje superbra, men betre enn forventa :)

I dag er eg heilt øydelagt i armane, og resten av kroppen forsåvidt, men det burde eg eigentleg ikkje vere for eg har jo ikkje trent noko utanom akkurat den benkpresstensten. Meeeeeen men! Kan vel ikkje forvente noko anna når eg er i så elendig form. Men kva er nye år til? Joda, nye moglegheiter. Det at eg skal kome i god form passar kanskje ikkje så godt med eit av mine nyaste nyttårsforsett: Eg skal ikkje trene viss eg ikkje har lyst. Kanksje må eg endre litt på det nyttårsforsettet, for eg har aldri lyst til å trene. Eller kanskje eg får meir lyst etter kvart. Uansett, benkpress er overkommeleg!

ZzZzZz.. Eldre.. ZzZzZz.. Historie..ZzZzZz

Direkte inne frå ein time i eldre historie her på Sygna. Kanskje ikkje det mest spanande som finst, men historie er visstnok veldig viktig. Men faktisk, uansett kva lærar eg har hatt (eg har hatt tre ulike) tykkjer eg at historie er heilt grusomt. Berre sånn at de er klar over det.

Forresten, eg klarte berre å ha godtefri i 5 dagar. Eg sprakk den 5. januar, høgst frivilleg. Eg kjøpte faktisk sjokolade sjølv, det var ingen som frista meg. Men men, eg treng snop, sånn er det berre. Det var ei god snopehelg, det er sikkert og visst.

I dag fekk eg meg ein jobb til utanom kordirigent. Eg har fått ein pitteliten jobb som barnehagetante. Dei som kjenner meg godt veit at eg ikkje er så alt for glad i ungar, og mange påstår at eg manglar morsinstinkt, men ein jobb er ein jobb. Pengar treng ein alltid. I tillegg til pengar er det varmt og godt i barnehagen, og eg kan ete så mange grove knekkebrød eg vil. Når eg først er inne på varme kan eg meddele av ovnane på internata er av, så det er bikkjekaldt på rommet. På grunn av dette set eg stor pris på den nye dyna eg fekk til jul. I morgon er frørste dag på jobb. Let the game begin!

Å salige stund uten like!

I dag slutta eg i fysikk. Det trur eg er det mest lettande eg har gjort på år og dag. Då er det i gang med engelsk igjen, noko som blir rart men kjekt. Jepp jepp!

I går i koret byrja vi på "Det er makt i de foldede hender". Det var dritbra :)

No er det under 1 mnd til eg blir 18! Eg har mange gleder i livet :)

Eg vil òg ha ny blogg!

Dataen nektar å oppdatere bloggen min, sånn at får den nye versjonen. Blogger meinte at dei skulle kunne oppdatere bloggen min etter kvart. Flotte greier det, men hadde vore kjekt å få oppdatert systemen no. Jaja.

I går var det nyårsaftan, og det var ein roleg og reflekterande kveld! Eg og venninna mi, Stine, skreiv lister over kva vi har utretta dette året og kva vi vil utrette i løpet av neste år (altså 2007). I tillegg til dette prøvde vi oss på yoga og laga musikkvideo til Aaron Carter og diverse songar frå Flashdance. Vi fekk rett og slett trent litt!
Her er lista over mine nyårsforsett, litt prega av Stine sin humor når ho blir overtrøytt:

Astrid sine:
- Godtefri frå 1. Januar og fram til sommaren
- Trene meir
- Jobbe jamt med skulen
- Klare å stå opp og dusje før skulen byrjar
- Spare meir
- Få til ein dritbra korturnè
- Få sommarjobb
- Vere snill med venane mine
- Besøkje Ragnhild Sofie
- Ikkje kjøpe så mange par sko
- Ikkje få dårlegare enn 4 på vitnemålet
- Ikkje rangle så mykje før skuledagane
- Ikkje bli sjuk
- Sole meg masse!!!
- Gå oftare på fjellet/ i Saurdalen
- Skal prøve å motstå freistinga å byrje på folkedans, eller alternativet etnisk dans
- Prøve å mostå freistinga å byrje i Balestrand songlag
- Innsjå at 80-tals musikk er dårleg/ eventuelt uverdig til å kallast musikk(hjartleg helsing Stine)
- Knekke alle cd-ane med 80-tals musikk, og slette dei frå dataen
- Huske å ta på meg klede om sumaren...
- ...og spesielt om vinteren, og når det er kaldt
- Takle utfordringar som fotbad
- Ikkje rote meg bort
- Slutte å klatre med sugekoppar på vidauget til lærarane (spesielt i lunsjen)
- Slutte å fotfølge tilsyn i Mission Impossible- stil
- Ikkje gå med skidrakt i mai, eller andre månader

Eg er hekta!

Ja, eg er hekta. Eg har blitt heilt avhengig, men no har vi komen til eit kritisk punkt for det er ikkje meir att. Det er oppbrukt alt saman. Ja, eg er ferdig med å sjå heile sesong 1 av Prisonbreak. Du tenkjer kanskje at "det har jo eg òg", men du gjorde det vel kanskje ikkje i løpet av to dagar? Det gjorde eg, og det er til å anbefalast. Det var i overkant av 16 fantastiske og spanande timar. No må eg berre vente på at sesong 2 skal kome ut på dvd så eg kan få tak i det. Eg har ein ganske liten dvd- samling men no som eg har Prisonbreak følar eg at den er rimeleg komplett.

Elles stripa eg håret i dag (eller mamma gjorde det), og eg vart mildt sagt kjempeblond. Vanlegvis har eg tenkt litt negativt når det gjeld det å farge håret kjempeblondt, men no har eg nesten gjort det same. Den einaste skilnaden er at eg ikkje farga alt håret kjempeblondt, og det er eg riiimeleg glad for, ja. Men lysare vart det i alle fall, og det var jo meininga, så eg kan vel ikkje klage så mykje. Må berre vente til det veks ut rett og slet... Jaja.

Årskavalkade

Fleire har laga det. Her kjem min.

Januar.
Eit to månader lang lungebetennelse/sjukdomsperiode byrja å sleppe taket. Eg gleda meg til å fyll 17 år. Feira nyårshelga i Trøndelag med ein gjeng som var russen min. Ein særs skummel oppleving, men eg stifta mange gode bekjentskaper som eg set stor pris på i dag. Var i Oslo med klassen der vi til dømes var på Stortinget.

Februar.
Månaden eg endeleg var ferdig med å vere 16 år. Var på utfordringskonferanse i Oslo og rekruterte ein ny gut til Sygna, Magnus Mjelstad. Fekk ein visjon om kven eg skulle gifte meg med, men det slo rimeleg feil ut. Fekk bihulebetennelse. Hadde mitt lengste opphold på Kongshaug, tre dagar.

Mars.
Månaden då snøen endeleg forsvann og det vart vår. Var på korturnè med Immanuel til austlandet, noko som var kjempekjekt og kjempekoseleg. Fann ut at nasjonalromantikken var min yndlingsepoke i historia. Byrja min godtefriperiode som varte til mai. Då snakkar vi skikkeleg godtefri. Ikkje saft var lov ein gong.

April.
Kanskje den mest kjedelege månaden i året. Eg haddde min siste tyskprøve (takk og lov) og var på UKM i Bergen for å sjå på dei unge talenta. Høyrte særs mykje på Alien Diversity og trivdes godt med dette.

Mai.
Ein kritisk månad for karakterane mine. Eg kom opp i 2MX og dreit meg ut, noko som enno gjer at eg av og til får litt problem med å sove. Hadde det ultratravelt og måtte øve til 2MX- prøve på 17.mai. Velte å vere på Sygna ei langhelg då Sygna feira 25-års jubileet sitt. Brannalarmen gjekk då eg sto i dusjen og eg måtte gå ut i berre handduken. Deltok på ein konsert på Balejazz, noko som var utruleg kjekt. Byrja å bli skikkeleg god ven med Ragnhild Sofie, noko eg er sjeleglad for å dag.

Juni.
Det som hadde vore det mest travle skuleåret mitt nokon gong var over. Eg var ferdig med tysk og hadde noko som skulle bli ein heilt super sommarferie å sjå fram til. Fekk spørsmål om å kome på intervju til å vere deltakar på tv-norgeserien Feriekolonien, men måtte takke nei pga mange planar i juli. Fekk meg sommarjobb som resepsjonist, mista mobilen og fann att mobilen. Var leiar på sommartreff nokre dagar, noko som var heilt konge, og var i to bryllaup.

Juli.
Dette vart årets NLM- månad. Eg var først på GF og deretter på UL. På GF var eg med på eit møte, satt backstage med SUM og elles hang eg rundt med GF si songstjerne: Ragnhild Sofie. Var på Messiaskonsert med Kongshaug, noko som var heilt fantastisk. Fekk jobbtilbod som dirigent for skulekoret og takka ja til dette. UL, årets høgdepunkt, vart som forventa, om ikkje betre. Eg fekk oppfylt ein barndomsdraum: Å sitje i kasse. Song med KREKO på ein bibeltime. Rekruterte ein gut til Sygna, og møtte på nokre andre nye som skulle byrje. Var blitt ein kløppar 
på kabal etter lange dagar på jobb.

August.
Var i Oslo og byrja allereie då å lengte til Fjellhaug. Byrja på Sygna igjen og fann ut at eg ikkje hadde noko som helst inspirasjon til skulen. Vart redaktør for russeavisa og kom i gang med koret. Kunne sjå tilbake på ein fantastisk ferie. Hadde store problem med å få sove om natta og det enda opp med at eg sov to veker på golvet til Hege, noko som gjorde at vi vart veldig godt kjent. Gjorde veldig mykje artig før leksene kom for alvor, og var ein periode veldig flink til å gå i fjellet.

September.
Vinterens sjukdomsperiode byrja tidlegare enn planlagt og varte lenger ein planlagt. Fekk hausten sin første virusinfeksjon.Hektisk hektisk hektisk tid på skulen.

Oktober.
Var i Roma med klassen, ein fantastisk tur, og etterpå gjekk eg frå hus til hus i Oslo etter ein plass å sove i haustferien. Var til saman to veker på farta med sekk på ryggen. Virusinfeksjonen slo til igjen, og eg heime to veker i strekk, noko som gjekk hardt utover skulegangen. Russen arrangerte nattcup, ein stor suksess. Eg lærte meg Askepottsonge på tjekkisk utanboks.

November.
Byrja på skulen igjen etter sjukdomsperioden. Kom i gang med særemne, Vildanden, som vi etter mykje jobbing fekk framført, der vi enda opp med felleskarakteren 5/6. Hadde evig mykje å ta igjen på skulen, og uansett kor mykje eg jobba hadde eg like mykje å ta igjen. Sliten, veldig sliten. Hadde utruleg mykje glede i koret. Hadde besøk frå Tryggheim, bestemte destinasjon for korturnè (Bergen og Stavanger).

Desember.
Evig lei av skulen, kjøpte meg ny kjole som trøyst. Hadde 1000 tentamenar som eg dreit langt i. Var på herleg julefest på Sygna og var på herleg julekonsert i kyrkja. Song ein klassisk song med 5 andre etter masse øving, og koret hadde hatt ei kjempeutvikling. Overlykkeleg over ferie, bestemte meg for å slutte i fysikk, feira jul med familie, vart sjuk igjen.

Konklusjon etter året: NLM ER BRA!

Vyrde vener! God jol!

Jepp, det var vel så nynorsk som det kunne blir. Julafta byrja med fjernsynsgloing, sulling, snopeting og venting. Etter kvart åt vi graut, og for fyrste gong fekk eg mandelen! Eller, faktisk fekk eg mandelen ein gong på ungdomsskulen, men då klarte eg å svelje den og det var ingen som trudde på meg.
For meg er eitt av høgdepunkta på julafta å gå i kyrkja. Eg tykkjer det er så fredeleg og trygt. Presten hadde som vanleg jule-rappen sin, der vi måtte sei juleevangeliet med rørsler. Alltid ein hit det der. Elles var det mykje bra song og mange kjente.
Julemiddagen var heilt utruleg god. Har ikkje ete pinnekjøt på om lag eit år no, og det var jammen meg verd ventinga. Heilt heilt fantastisk!
Pakkestunda var inga stor hending, for eg visste alt eg fekk (eg var med og kjøpte det), så den gjekk fort over.
Etterpå vart det ville tilstander hjå familien Bjørke, då eg foreslo at vi skulle leike ordleikar. Trur aldri vi har ledd så mykje i dette huser før. JA TIL TØRR HUMOR!!

På eitt av bileta ser vi sekundet etter at mamma presterte å slå meg hardt i hovdet. Det var ikkje med vilje. Eg sto berre på feil plass til feil tid. Mamma skulle nemleg få niesa mi til å byrje å le under ein fotosession. Ho klarte det, men kanskje ikkje med dei midla ho hadde tenkt..

Dagen før dagen

Lille julafta. Glede. Eller, det er i alle fall lille julafta. Julestemning har ikkje vore til stades på fleire år, men jul blir det vel uansett. Vi pynta juletre. Det var jo overkommeleg koseleg då.
I dag har eg berre låge i senga og sett på film i håp om å bli frisk. Kjøpte siste julegåva og masse smågodt som var på bilbod etter første filmen.
Elles håpar eg at eg finn ei strømpebukse eg kan bruke i morgon og at eg ikkje ser så alt for trøytt ut sidan vi sikkert skal ta mange bilete i løpet av dagen.

Så... God jul alle saman! Eller god Jesusfeiring, for det er jo det det eigentleg er. Forresten, det er ganske rart, for dette er gjerne tida på året der Jesus kjem lengst bak i bakleksa, og det burde vel eigentleg ikkje vere sånn.

Julekonsert og sjuk

Søndag deltok koret på julekonsert i Søle kyrkje her i Balestrand. Det var ei veldig koseleg stund i ei nyyyydeleg kyrkje! Vart heilt rørt der eg sto, for koret sang så bra :)
Og ja, eg har blitt sjuk! Eg har verdas verste immunforsvar, berre sånn at det er sagt, men det har kanskje folk forstått. Men no er det snart ferie og då har eg tid til å slappe av og bli frisk.
Eg likar å vere dirigent, korøving på onsdagane er eitt av høgdepunkta i veka. Det er herleg!





Sygnabertene extended version deltok òg!