Mitt bidrag til verdsveven sitt mangfald

Eit veldig spanande og dramatisk liv har eg nok ikkje, men eg er av dei som set pris på dei små tinga i livet. Slik går no dagane!

mandag, mai 29, 2006

Telefon frå TvNorge

Ja, i går skjedde det noko særs uvanleg. Eg fekk telefon frå TvNorge, og det er ikkje noko eg får kvar dag for å seia det sånn! Kvifor ringte TvNorge? Jo, dei ville ha meg på eit intervju for å eventuelt ha meg med på ein realityserie som heiter Sommerkolonien. Eg vart skikkeleg gira, men innspelinga skal vere i juli, og då er det GF og UL, så det var med tungt hjarte eg måtte takke nei. Det var skikkeleg surt! Men men. Det kan bli bra utan tv-sommar òg. Men når det programmet kjem på TV i haust kjem eg nok til å tenkje på at der kunne eg vore med. Jaja, sånn er livet. No skal vi ha kristendom!

onsdag, mai 24, 2006

Matteeksamen står for døra

Ja, då er det klart. Då er det ingen ting å lure på lenger. Astrid kom opp i skriftleg eksameni 2MX. Kva tenkjer eg eigentleg om dette her? Eigentleg reagerte eg ikkje i det heile når inspektøren, Martin Egil, leste opp namnet mitt. Det sto mellom tysk og matte, så eigentleg funka matte heilt fint. Eksamen er om akkurat 9 dagar, så då er det øving og øving og øving som står på kalenderen framover. Korleis ligg eg an? Tja, eg trur nok ikkje eg skal stryke for å seia det sånn. Eg er faktisk heilt roleg og det er godt.

Det er forresten grusomt lenge sidan eg har skrive her på bloggen. Eg har eigentleg ikkje gjort så veldig mykje i det siste heller. Eller, det har jo vore 17.mai og greier så eg har jo gjort litt, men elles så har eg for tida tatt livet med knusande ro. Eg meiner no at eg er uoffisielt ferdig med tysk. Det har eg vel kanskje eigentleg vore i eit år no, men no gidd eg absolutt ikkje gjere noko meir. Eg kom ikkje opp i skriftleg, og då kjem eg heller ikkje opp i munnleg, og eg trur ikkje at eg kan blir sett ned ein karakter pga litt dårlegare innsats dei 12 eller 8 siste timane. Forresten gidd eg ikkje gjere noko i resten av faga heller. Det einaste eg har igjen er ein geografiprøve, og den må eg gjere det veldig bra på, men den tid den sorg. Eg skal ikkje ha den før på lenge.

17. mai var forresten ein veldig rar dag. Eller, det var kanskje ikkje så rar dag, men det var ein uvanleg 17 mai. Eg sto opp kl 07.45 for å få med meg flaggheisinga, og det var ganskje kjekt, til trass for at eg og Kjell Mjell så og sei sang solo på "Ja, vi elsker" fodrdi det var nesten ingen andre som kunne andre og tredje verset. Kva lærte folk på barnskulen eigentleg? Dei som ikkje kan andre og tredje verset på "Ja, vi elsker" burde skamme seg, og dei kan i alle fall ikkje bli fotballproffar eller noko sånt. Men altså, etterpå høyrte eg på 17.mai-tale, gjekk i tog, åt ein is og så... Og så gjekk eg og øvde på matteprøve. Eg prøvar å unngå å syne synd i meg sjølv, men akkurat då gjorde eg det. Eg sat på rommet mitt, med bunad og gjorde matte. Men men. Prøven gjekk forresten ikkje så bra, men eg fekk snakkal itt med mattelæraren og han sa eg ikkje kom til å gå ned i karakter likevel. Etter at eg hadde gjort matte i nokre timar var eg på 17.mai-fest der eg og nokre andre spelte og sang, og så ringte Arve meg faktisk, noko han aldri plar gjere sidan han eigentleg er i militære i Spania, men han var altså heime sidan det var 17.mai og så lurte han på kva eg gjorde, og då sa eg at eg øvde matte og det var det. Alt i alt, ein annarleis 17.mai. Forresten var eg kjempeslitan den dagen, så eg var sint på alt og alle og det var nesten farleg å vere med meg for eg kunne nesten finne på å bita nokon. Men no er eg glad, og det til trass for at eg kom opp i matteeksamen.

Forresten er det langhelg no, men eg har ikkje reist heim. Eg er er på Sygna saman med tre 1.klassingar (populært kalla færskisar), tre andreklassingar og 3.klassen. Dette blir kjekt. Men det skjer ein del i helga, så når helga først kjem, då trur eg det kan bli litt liv.

Bla bla bla.

No gidd eg ikkje skrive meir. Jo, forresten eg har byrja å ete sjokolade/snop igjen, og det er godt! Eg trur eg skal kjøpa sjokolade i kveld.

mandag, mai 08, 2006

Måndag.... igjen....

I dag er det måndag, og eg hatar måndagar. Måndagar er heilt grusomme! Kvifor? Som oftast har eg hatt ei knallbra helg, og sidan eg er sinnsjukt skulelei for tida er det ikkje ofte at ei ny veke med skule står øverst på ønskjelista mi. Men trass alt, i verste fall er det 46 dagar att til sommarferie. Det går framover! Eller nedover eller noko sånt.

I dag tok vi klassebilete. Det var ingen som visste at vi skulle ta klassebilete, så det vart litt panikkstemning på morgonsamlinga då 90% av jentene fann ut at dei hadde gløymt å dusje og sminka seg osb. Ja, eg var ei av dei, så eg følte meg rimeleg ekkel då eg sat der med eit kamera trykt opp i eit feitt tryne omringa av feitt hår. Men men, det er no berre eit bilete.
Det vart ganske morosamt då vi skulle ta tullebilete. Fotografen tvingte Runar til å stå o bar overkropp og så skulle vi jentene stå på kne rundt han og "tilbe" han eller noko sånt. Trur det vart eit ganske artig bilete!

Vi fekk heldigvis fri frå kjemitimen i dag, så no har eg fri ganske lenge faktisk. Deilig å kunne sitje ute og jobbe, for då får ein liksom gjort to ting på ein gong: sola seg og gjort lekser.

Helga var forresten dritbra! Eg, Hege og Regnhild Sofie reiste heim til meg torsdag. På fredag øvde vi med eit kor heile dagen, og seinare på kvelden var det konsert. Vi tre sang ein sang saman, og det var veldig kjekt. Eg trur det gjekk bra eigentleg. Det gjekk i alle fall heilt greitt med koret. Etter konserten var det kafè og då møtte eg igjen litt folk eg ikkje har sett på lenge, og det var koseleg. Ganske naturleg nok var det gutane eg gadd å snakke mest med, og det var kjekt å få litt avveksling frå dei mildt miljøskadde Sygnagutane.

På laurdag reiste vi først til Bergen sentrum og var der ei stund. Der var det mykje konsertar og liv! Drittgøy. Etterpå reiste vi til *trommevirvel* Kongshaug! Det var utruleg kjekt. Vi sat og sola oss masse og snakka med masse koselege folk. Eg stifta meg sjølv med ein stiftemaskin, og det var litt vondt, men sånn kan det gå. På kvelden var det småkonsertar, og det var eit band der som covra Beatles. Utruleg bra! Då kosa eg meg.

Søndag reiste eg og Hege ganske tidleg tilbake til Balestrand, sat 1.5 time i Vadheim og sola oss og åt nøtter, og så var vi tilbake til reality, til Sygna. Men det gjekk i grunn greitt nok det. De var jo så fint ver!

Det er forresten fint vè r her i dag òg. Heilt utruleg deilig! Eg trur eg må gå og varbere leggane mine. Ja, det gjer eg.

Eg vil forrsten gje ein stor takk til Johanne! TAKK! Du er heilt heilt konge :D